Amannya

EKIKA KY’ENJAZA (Reedbuck)

AKABBIRO: Ngujulu

EMIBALA

1. Ow'omugugu aliguta.

2. Ssendabanyoro tentama.

Abenjaza bagamba nti Kabaka Kintu okujja mu Buganda ngabo baatuulamu dda. Abenjaza mbu baava Bunyoro ne batuukirae Kiwawu mu Busujju. Bwe baava e Kiwawu ne bagenda mumabira e Kyaggwe. Kintu okujja mu Buganda Abenjaza yabasanga mu mabira e Kyaggwe ng’obutaka bwabwe obukulu buli Kirugu. E Kirugu obutaka gye bwava ne budda e Kkonko omukulu w’ekika ky’Enjaza gy’atuula kaakano. Omukulu w’ekika ky’Enjaza ow’akasolya ayitibwa “xITANDA” naye jjajja waakyo ye KAYIMBYE OBUTEZI N’OKUKWAKKULIZA OW’e€ Kiwawu mu Busujju.

Abenjaza olw’okuba okumpi ne Busoga, Bakabaka b’e Buganda baabagabanga nnyo okutabaala mu Busoga, ate n’abantu b’Ekika y’Enjaza baddukiranga nnyo mu Busoga nga babadde bazzizza omusango ku Kabaka.

Kabaka Kyabaggu bwe yatabaala e Busoga yaddira omwana wa Kitanda eyayitibwanga Masanso n’amuggya e Naminya n’amussa mu kyalo Butiki e Jjinja mu Busoga, n’amuleka eyo okutuukirwangako Abasoga abaabanga bajja e Buganda eri Kabaka era n’Abaganda abaagendanga okutabaala e Busoga. Kabaka Kyabaggu bwe yali ng’akomawo e Buganda n’abuuza Masanso nti “Onooguma okusigala e Busoga?’? Masanso n’akkiriza nti "Nnaaguma". Awo Masanso bwe yajjako e Buganda okulaba Kabaka, Kabaka n’amubuuza nti “Waguma’? Masanso n’addamu nti "Naguma mukama wange". QOkwo erinnya lya ‘‘Waguma” kwe lyava okuyingira mu kika ky’Enjaza.

Abenjaza baalya ne ku bwami mu Busoga, naddala mu Ssaza lya Ggabula. Era baafuna n’obutaka mu Bugerere ne bayitibwa Abalondoganyi.

Ekitongole kya Ssemakookiro ‘Ekikunta” ekyatta Kabaka Jjunju kyava Namwezi ku butaka bw’Abenjaza, ere kyalimu njaza bangi.

Bano be baana ba Kitanda ab'Amasiga

1. Kinaalwa e Nsenge Kyaggwe

2. Kyonga e Nyenga Kyaggwe

3. Kiddu e Kigoma Kyaggwe

4. Waguma e Naminya Kyaggwe

5. Mutwalume e Kkonko Kyaggwe

6. Ssekeba e Malindi Kyaggwe

7. Nnakibinga e Ggulama Kyaggwe

8. Genaanya e Nnakyessanja Kyaggwe

9. Mawawa e Bugahe Kyaggwe

10. Malevu e Butavujja Kyaggwe

11. Mukongoolo e Kitovu Kyaggwe

12. Kawanda e Wakisi Kyaggwe

13. Lugwa e Buku Kyaggwe

14. Kasota e Bugoma Kyaggwe

15. Kabaale e Nakiso Kyaggwe

16. Kasasa e Bujaagu Kyaggwe

17. Kambugu e Buziika Kyaggwe

18. Nnannyungu e Buwoola Kyaggwe

19. Ssematimba e Najjembe Kyaggwe

20. Mbwabwa e Ssendabanyoro Kyaggwe

EMIRIMU GY’ABENJAZA KU KABAKA

(a) Abenjaza be baali abayizzi b’enjovu za Kabaka. Baaziyigganga mu Mabira. Effumu lyabwe lye baayizzanga liyitibwa Nakangu.

(b) Be baawoozanga n’akatale ke Kiwungu omwayitanga ebintu ebyavanga e Busoga n’e Bumogera okujja eri Kabaka

(d) Basiiganga mu lubiri lwa Kabaka omukyala eyayitibwanga Nakalyowa

Ekiwendo ekyagoba mu Buganda kyagoba Ebenjaza bangi mu Buganda. Kaggwa Ndimukulanga eyasimisa ennyanja ya ssekabaka Kaggwa II yali wa Njaza

Amannya ga be Njaza

Abawala

Bakwanye

Malimbo

Nakalyowa

Nakiddu

Nakinaalwa

Nakyazze

Nawaguma

Ndagire

Nnabasaku

Nnabayaza

Nnabbengo

Nnabulo

Nnagujja

Nnakalyana

Nnakangu

Nnakirindi

Nnakitanda

Nnalugo

Nnamuwaya

Nnanjego

Abalenzi

Baakisuula

Bbengo

Bbwagu

Kabuzi

Kagumba

Kalasi

Kalumba

Kalyowa

Kibudde

Kiddu

Kinaalwa

Kisaku

Kisuule

Kiwalattule

Kiwembe

Kyazze

Lubambula

Lukabwe

Lukoma

Lukooba

Lukooya

Lumbuye

Luwalira

Mabikke

Masanso

Mayoga

Mpengere

Mutebe

Mutega

Muwuluzi

Mwase

Ndalu

Nkambo

Nkambwe

Sseggwanyi

Sserubidde

Sulumi

Waguma